या वेळी राष्ट्रीय वारकरी परिषदेचे प्रवक्ते ह.भ.प. अरुण महाराज पिंपळे म्हणाले की, केवळ छत्रपती शिवरायांना ‘सेक्युलर’ करण्याचा प्रकार नाही, तर ते देव मानत नव्हते, धर्म मानत नव्हते, असाही ठसवण्याचा भयंकर प्रयत्न ब्रिगेडी लोकांकडून चालू आहे; मात्र छत्रपती शिवाजी महाराज हे देवाचे निस्सीम भक्त होते आणि समर्थ रामदासस्वामी हे त्यांचे गुरु होते, हे छत्रपती शिवरायांचे वंशज मानतात. केवळ हिंदूंना त्यांच्या ध्येयापासून विन्मुख करण्यासाठी प्रत्यन चालू आहे. या वेळी सव्यासाची गुरुकुलम्चे प्रधान आचार्य लखन जाधव म्हणाले की, आज कार्यकर्त्यांना केवळ ‘छत्रपती शिवाजी महाराज की जय’ या घोषणा द्यायला लावल्या जात आहेत; पण छत्रपती शिवाजी महाराजांचे विचार, प्रेरणा, राज्यकारभार शिकवला जात नाही. महाराजांचे गड-किल्ले भग्न होत असतांना त्यांचे रक्षण न करता त्यावर मदिशी, दर्गे उभारले जात आहेत. छत्रपती शिवरायांनी जे 36 वर्षे लढून मिळवले ते धुळीस मिळवण्याचे काम चालू आहे.